Ембі қаласының мектеп жанындағы интернаты бар №7 жалпы білім беретін орта мектебінде қамқоршылық кеңес жұмысының ұйымдастырылуы
2022-2023 оқу жылы
Қазақстан Республикасы «Білім туралы» Заңының 44 бабының 9 – тармағы, «Қамқоршылық кеңес қызметінің және оны сайлау тәртібінің үлгілік ережелерін бекіту туралы» 2017 жылғы 27 шілдедегі №355 бұйрығымен бекітілген «Білім беру ұйымдарында қамқоршылық кеңестің жұмысын ұйымдастыру және оны сайлау тәртібінің үлгілік қағидаларына» сәйкес мектебімізде құрамы төмендегі тізімде жасақталған 9 адамнан құрылған қамқоршылық кеңес жұмыс жасауда.
- Тажигарина Нурия Касымовна – қамқоршылық кеңес төрайымы
- Бабатаев Мамай – мүшесі
- Акимбекова Барно Адилхановна – мүшесі
- Мухиева Несібелі Сексенбайқызы – мүшесі
- Тасмагамбетова Еркежан Маратовна – мүшесі
- Жандосова Куляш Уликпановна – мүшесі
- Базарбаева Катира Булатовна – мүшесі
- Утемисова Камшат Нурлановна – мүшесі
- Ермекова Раушан Жалгасбаевна - мүшесі
Қамқоршылық кеңестің негізгі мақсат-міндеттері - білім алушылардың құқықтарының сақталуына, оқу тәрбие үрдісінің жұмысын жақсартуға ықпал ету, білім беру ұйымын дамытудың басым бағыттары бойынша ұсынымдар әзірлеу, білім алушылар,ата-аналар,педагогтар мен қоғамдық ұйымдар арасындағы біріккен жұмыстарда қолайлы орта қалыптастыру, білім беру ұйымының материалдық-техникалық жағдайын жақсартуға ықпал жасау. Қамқоршылық кеңестің құрамы іскер әйелдер қауымдастықтың төрайымынан, ата-аналар комитетінің төрайымынан, жеке кәсіпкерлерден, қалалық полиция бөлімшесінің маманынан, қалалық әкімдіктің маманынан, жергілікті өкілдіктен құрылған.
Жыл басында қамқоршылық кеңес жоспары қамқоршылық кеңес төрайымы тарапынан құрылып, сол жоспар бойынша жұмыстар атқарылып, отырыстар жасалып отырылды. Кеңес мүшелері мектептің тылсым-тіршілігіне етене араласып, мектепте өткізілетін барлық іс-шараларға, ата-аналар жиналыстарына, қайырымдылық акцияларға, ашық есік күндеріне, ер балалар жиналыстарына белсене қатысып, дөңгелек үстелдерге белсене қатысып отырады.
